Kantang Pangkalikasan..

"Masdan Mo Ang Kapaligiran"

By: ASIN

Wala ka bang napapansin sa iyong mga kapaligiran?
Kay dumi na ng hangin, pati na ang mga ilog natin.

Hindi na masama ang pag-unlad
At malayu-layo na rin ang ating narating
Ngunit masdan mo ang tubig sa dagat
Dati'y kulay asul ngayo'y naging itim

Ang mga duming ating ikinalat sa hangin
Sa langit huwag na nating paabutin
Upang kung tayo'y pumanaw man, sariwang hangin
Sa langit natin matitikman

Mayron lang akong hinihiling
Sa aking pagpanaw sana ay tag-ulan
Gitara ko ay aking dadalhin
Upang sa ulap na lang tayo magkantahan

Ang mga batang ngayon lang isinilang
May hangin pa kayang matitikman?
May mga puno pa kaya silang aakyatin
May mga ilog pa kayang lalanguyan ?

Bakit di natin pagisipan
Ang nangyayari sa ating kapaligiran
Hindi na masama ang pag-unlad
Kung hindi nakakasira ng kalikasan

Darating ang panahon mga ibong gala
Ay wala nang madadapuan
Masdan mo ang mga punong dati ay kay tatag
Ngayo'y namamatay dahil sa 'ting kalokohan

Lahat ng bagay na narito sa lupa
Biyayang galing sa Diyos kahit nong ika'y wala pa
Ingatan natin at 'wag nang sirain pa
Pagkat pag Kanyang binawi, tayo'y mawawala na

Mayron lang akong hinihiling
Sa aking pagpanaw sana ay tag-ulan
Gitara ko ay aking dadalhin
Upang sa ulap na lang tayo magkantahan

Kalikasan, Alagaan!

Ginawa ng Panginoon ang mundo at punong puno ng mga magagandang tanawin, ibat ibang klase ng ibon, hayop at iba pa. dahil dito ginawa din tayo niya at ipinagtitiwala sa atin ang lahat gamitin natin ang ating kalikasan para mabuhay tayo, at ang tao ay di nag iisa, dahil kailangan natin ang isat isa sa atin, nandito tayo sa mundong ito para mamuhay ng masagana, magbigayan at mag mahalan sa isat isa.
Ang malaking katanungan ngayon, sinunud ba natin ang dapat sundin? Nagawa ba natin ang dapat gawin? Sa aking nakita ngayon unti unti ng nawala ang ating mga kalikasan, dahil sa ibat ibang interest ng mga tao, ang mga ibon ay wala ng madadapuan dahil wala ng mga kahoy. Ang mga isda ay pawala na na rin ng pawala, dahil sa ibat ibang lason na ginamit ng tao. Dahil may mga taong hindi kontinto sa kanilang kalagayan, gusto nilang yumaman sa lalong madaling panahon, at gawin nila ang lahat makamit lang ang kanilang hinahangad.
Sa pang yayaring ito, hayaan lang ba natin natuluyan ng ma ubo ang lahat? hayaan lang ba natin ang mga pangyayaring ito? Gustohin ba natin na darating ang panahon pati tayo ay mawawala? at pati tayo putolin na ng mga loggers? lasonin na, tulad ng isda?
Para sa akin hindi pa huli ang lahat, pwide pa nating bawiin kung ano man ang nak uha sa atin, pwide pa nating gisingin ang mga natutulog, ito ang malaking hamon sa atin, lalong lalo na sa ating mga kabataan na tayo pa ang inaasahan ng ating kalikasan na nag susumamong humingi ng ating tulong.
Sa lahat ng makabasa nito, iwan ku sa inyo ang mga tanong na ito, at sana may makuha tayo at pagtulong tulongan nating hadlangan ang mga ito, pag tulong tulongan nating bangunin at ibalik ang ating kalikasan.